14 Oct 2013

عيش بروح طفل وعقل حكيم #إرهاصات_هوية #عالم_موازى

فى عالم موازى كنت عزمتك ع العشا
موسيقى حلوة وبيانو فى الخلفية
فى عالم موازى المشى ع الكورنيش بيييس
هوا النيل يخلى القلب يرفرف     فى الربيع
الجو حلو وكحل العين أحلى فى ليلة صحبجية

كوب الشاى باللبن الصباحى فى المطبخ مع المحبوب
لفة إيد حوالين الخصر وبسمة هادية حلوة...
تروح بعدها شغلك           اللى إنت بتحبه
 ما فيش حياة من غير عواصف رعدية
بتكون الدنيا ضلمة -أغلب الأحيان- لكن البرق بييجى
ومضة عشان يورينا الطريق فين
Simon Birch 
هاتى إيدك ونعدى الشارع سوى

بسمة حد وقفت له فى الطريق عشان يعدى قامت العربيات
اللى جمبك إضطرت للوقوف... بالدنيا
راهنت نفسى من سنين كتير إنى آخد ع الأقل بسمة واحدة من دى ف اليوم

شخص بلا وطن = أنا، لكن... مش معنى كدة إنى وحيد أو
مابقتش أحس إنى وحيد من قيمة سنتين ونص كدة... أيواااا
من ساعة الثورة (مش هزايد و أحور...  بلا قرف)

أنا قارفة دماغ صحابى وعيلتى بلا للمحاكمات العسكرية
بس فيه ناس كانت قارفة حياتها كلها وماحدش كان سامعهم طول ال
-لأ مش 30- ال60 سنة اللى فاتوا

بلاااااش سياسة ولاحقوقية
نرجع للعشا الحلو، والكحل اللى ف العين
تقول الأسطورة إن الرجالة (عامة ولكل قاعدة خلاف)
بتخاف من الست القوية... ودى مش أسطورة
تكملة الأسطورة... إن فيه بنات بتحب ده

مقال كان مكتوب ف الشباب (اللى تابعة للأهرام)
من 2012: حفيد عمر الشريف لامؤاخذة "مش راجل"
!!!
مش عارفة أعترض على "لامؤاخذة" ولا "مش راجل"
المقال أوضح وأكد المفهوم السائد بإن الإنسان أصله "نسناس"
وإن الدكر فى سلالة الحيوان البشرى لا يعرف إنه "راجل"
إلا لما بتاعه يبقى ف بتاعها... إزاى مش فاهمة؟!
حضاريا كلمة "شا.." مش هقدر أكتبها بس هى ممكن يبقى إسمها "مثلى"
أظن كلمة ألطف وبتوضح نفس المعنى لتلك الفئة من الناس
إذا أردت التوصيف...

ييييه قلنا بلاش حقوقية نسيت!! بس كانت الكلمة ف زورى
Jun Kamaori
عمر خيرت حلو... خاصة وإنت بتعمل عمل فنى موازى ف الإتجاه
هيييه.. مدرج نحت، والدكتور بيخلينا نسمع كويس الأول للإيقاع
وإيدينا تضرب الطين مع نفس السرعة والبطئ للحن
ماكنتش بحب النحت كمادة...كان صعب
لكن المتلازمة دى رافقتنى من أول الكلية... بعد كدة عرفت
إن إسمها Action Painting 

سحقاً لعقل يدفن الفن والغباء إنه يضم ده فى جملة واحدة مع الدين...الدين أصلاً فن!!

الموسيقى أحلى ع العشا لو عزفتها
روح وضمها من غير مناسبة
وقول لها إنك مبسوط إنك معاها
خلينا أفلاطونيين لفترة كدة..حلوة
حب الحاجات اللى حوليك فقط لإستمتاعك بممارسة هذا الشعور
الخير والحب... شوف الهوا والألوان
عيش بروح طفل وعقل حكيم
Jun Kamaori

No comments:

Post a Comment

Followers