17 Dec 2011

شهادتي في اصابات فض اعتصام مجلس الوزراء, مع صور وفيديوهات




عايزة أشوف أي بقرة يقول ماكانش فيه ناس فوق عشان هموت أمه!







عايزة أقول إن أعلى طوبة وصلت في مبنى مجلس الوزراء من اللي تحت  مثلا في الدور ال 5 
أفراد الجيش العظيم "الشامخ" كانوا بيحدفوا من أعلى البناية لأسفل...
بناية مجلس الوزراء لما لايعرف تقارب ال13 دور, تخيل سرعة اندفاع الأشياء المتساقطة( غطيان بلاعات- سيراميك- طوب- ألواح زجاج- كراسي- دواليب...إلخ)+ فعل الجاذبية = حجم الاصابات

أ/حسن- مدرس كمبيوتر(مش بلطجي) كان هناك عشان يدافع عن ناس وقت الضرب بعد ماأتعالج, نزيف انفه 

.بعد ما أتعالج الأستاذ حسن, نزيف انفه لم يتوقف لذلك أرسلناله سيارة الإسعاف

إصابة كسر في اليد ل فتاه, الإصابة كانت الصبح حسب أقولها لكن لما جت كانت بتألم بشدة, فكانت محتاجة مسكن

أحد إصابات اليد- الطفيفة- مقارنة بالباقي, نتيجة ارتداد قطعة سيراميك على اليد من أعلى مسببة نزيف وورم بالي من قطع

شهادتي من اللي شفته الأمس: "أنا شفت انهارده رجالة لابسة مدني وافارولات ميري فوق وحدفوا علينا طب وسيراميك وغطيان بلاعات. وبعدها رحت المستشفى الميداني وكل الاصابات بين قطع بالراس "من الأعلى" وصاحبتي جالها كسر في الجمجمة, يا طوب جه في الأقدام فـسبب بين كسر وبين إصابة... غير الضرب بالعصيان لبعض الحالات اللي سبب كسور في الذراع..
أنا كمان لازم اضيف إني شفت واحد مصاب في رجله عند قصر الدبارة واللي شايلينه قالوا إنه طلق حي وده كان على العصر كده, أنا افتكرتهم بيهولوا ومردتش اصدق, لكن الولد كان فعلا رجله بتجيب دم جامد ومستبعدش أبدا إن يكون فعلا طلق حي, واتاكدلي ده بعد كده من شهادة ناس تانية والاصابات اللي بعد كده وطبعا.... صور الشهداء وطريقة موتهم!:S

This is a Documenting Video by Mosireen group w/ Abboudy the Guy who's beating started it all
فيديو وثائقي من مصرين, لعبودي بيحكي الحكاية كلها
 الراديو قال إنه مفيش ناس فوق مجلس الوزراء, قام التلفزيون المصري قايل دول كانوا بيضربوا دفاع عن النفس في نفس الوقت تقريبا!! الإتنين يولعوا!
شكر للأستاذ عماد الجزار من المستشفى الميداني

No comments:

Post a Comment

Followers